Google ADS

Në derbin e zjarrtë lokal, Liverpooli triumfon me rezultat komod ndaj Evertonit

19:29 | 24 Prill 2022
Lorik Gerbeshi

Liverpooli ka triumfuar 2-0 ndaj Evertonit në  derbin që u luajt në kuadër të javës së 34-të në Ligën Premier.

The Reds ishin dukshëm më të mirë që nga fillimi, duke kërkuar që të kalonin sa më parë në epërsi.

Por, Evertoni po mbahej tejet mirë dhe 45 minutat e parë përfunduan pa gol.

Në pjesën e dytë, The Reds e dinin se nuk mund të lejonin më një gjë të tillë dhe kaluan me të gjitha forcat në sulm.

Kështu, ky presion solli rezultat dhe në minutën e 62-të, Andy Robertson përfitoi nga një asistim i Mohamed Salah, për të shënuar për 1-0.

Deri në fund, skuadra e drejtuar nga Jurgen Klopp nuk u dorëzuar dhe realizoi edhe të dytin, tani përmes Divock Origit (85′).

Pas javës së 34-të, Liverpooli vazhdon të jetë në vendin e dytë me 79 pikë, një më pak se lideri Manchester City, ndërsa në chiron e 35-të do të takohet me Newcastle United.

Shpërndaje në rrjete sociale

Lajmet më të lexuara

Të ngjashme

Foto lajm